مایكرۆسۆفت ویندۆزی 8 به‌زمانی كوردی بڵاوده‌كاته‌وه‌

له‌ نوێترین سیسته‌می خزمه‌تگوزارییدا، له‌ ماڵپه‌ڕی فه‌رمی خۆیدا بڵاویكردۆته‌وه‌، كۆمپانیای مایكرۆسۆفت كۆمه‌ڵێك زمانی تازه‌ ده‌خاته‌ سیسته‌می كارپێكردنی ویندۆز8ه‌وه‌، له‌وانه‌ش زمانی كوردیی عێراقی، له‌پاڵ زمانه‌كانی دی وه‌ك به‌نجاب ‌و سندی پاكستانی ‌و ئیگۆری چینینی ‌و بیلاڕوسیی ‌و تاجیكی ‌و كینیاڕواندای ڕوه‌ندایی ‌و لۆلۆفی سه‌نیگالی ‌و تگرینی ئه‌سیوپی. به‌‌وپێیه‌ش ژماره‌ی زمانه‌ به‌كارهاتۆكانی ویندۆزی 8 ده‌گاته‌ 109 زمان. Â

زۆر جار ئێمه‌ گوگل به‌کارده‌هێنین بۆ گه‌ڕان به‌ دوای هه‌ر شتێک که‌ بمانه‌وێت وه‌ک گه‌ڕان به‌ دوای بابه‌ت ، پرۆگرام ، وێنه‌ یاخود هه‌واڵی جۆراو به‌ چه‌ندین زمانی به‌ناوبانگی جیهانی . له‌گه‌ڵ ئه‌و هه‌موو خزمه‌ت کردنه‌ی گوگل به‌ به‌کارهێنه‌رانی ئینته‌رنێت به‌ڵام ئایا رۆژێک له‌ رۆژان ئێمه‌ی به‌کارهێنه‌ر بیرمان له‌وه‌ کردۆته‌وه‌ که‌ مانای گوگل چییه‌ و چ واتایه‌ک ده‌گه‌یه‌نێت؟ راستی وشه‌ی Google بریتییه‌ له‌ Googol که‌‌ زاراوه‌يه‌كی وه‌رزشی يه‌ به‌ مانای( ١ به‌دواده‌كه‌وێ به‌ سه‌د به‌رامبه‌ر سفر) ئه‌و وشه‌يه‌ دانراوه‌ له‌لايه‌ن زانا(ميلتون سيروتا) كه‌ ده‌كاته‌ كوڕی خوشكی زانای بيركاری ئه‌مه‌ريكی (ئيدوارد كاسنه‌ر) ،وه‌ ئه‌م ناوه‌ له‌ كتێبی (Mathematics and the Imagination ) (بيركاری وخه‌ياڵ) نوسراوه‌ كه‌ له‌ دانانی (كاسنه‌رو جيمس نيو مان )ه‌. هه‌ڵبژاردنی ناوی google دوای ئه‌وه‌ی وه‌رچه‌رخان يان گۆڕان يان بڵێين ياری به‌و وشه‌ی googol كراوه‌ تا هاتۆته‌ سه‌ر وشه‌ی google. شایانی باسه‌ Google یه‌کێکه‌ له‌ ماڵپه‌ڕه‌ به‌ناوبانگه‌کانی جیهان که‌ ڕۆژانه‌ ملیۆنان که‌س سه‌ردانی ده‌کات و سوود له‌ خزمه‌تگوزاریه‌کانی وه‌رده‌گرێت ، ئه‌و وڵاتانه‌ی به‌ پله‌ی یه‌که‌م Google به‌کاردێنن بریتین له‌ : ئه‌رژه‌نتین - ئوسترالیا - به‌لچیکا - به‌رازیل - که‌نه‌دا - دانیمارک - فه‌ره‌نسا - ئه‌ڵمانیا - هیندستان - ئیتالیا - مه‌کسیک - ئیسپانیا - سوید - سویسرا - وڵاته‌ یه‌کگرتووه‌کانی ئه‌مریکا

هۆكارەكانی خاوبوونەوەی كۆمپیوتەر

رەنگە هەموومان بەدەست خاوی كۆمپیوتەرەوە بیزاربووبین، بەڵام ئایا هەموو هۆكارەكانی خاوبوونەوەی كۆمپیوتەرمان دەزانین؟ بە دڵنیایەوە نەخێر. سەرەكی ترین هۆكاری خاوبوونەوەی كاركردنی كۆمپیوتەر، دانانی میمۆری ( رام ) كەلەگەڵ تایبەتمەندی كۆمپیوتەرەكە نەگونجێت، هەروەها بوونی ڤایرۆس لەناو كۆمپیوتەر، بەتایبەتی ئەو ڤایرۆسانەی لە سیستەم دەدەن، لەگەڵ زۆر سەردانی سایتە سێكسیەكان و كەلەكەبوونی ریژەیەكی زۆر لە سایتی كۆگا كراو بەشێوەی كاتی، واتە فەیڤەرۆت، لەگەڵ زۆربوونی فایلەكانی كوكیز، هەروەها بوونی دوو دژە ڤایرۆس لە یەك كاتدا، لە هەمان كاتیشدا بوونی دوو سیستەمیش كاریگەری دەبێت. بۆ ئەوەی كۆمپیوتەرەكانمان تووشی خاوبوونەوە نەبێت بە مەبەستی خێراكردنی دەبێت ئەم هۆكارانە نەمێنن.

دەرمانێكی بۆ بەكار هێنەرانی كۆمپیتەر

پزیشكەكانی وولایەتی كالیفۆرنیا جۆرە دەرمانێكیان دروست كرد كە تایبەت بە چاوی ئەو كەسانەی كەبەبەردەوام كار لەسەر كۆمپیتەر دەكەن ، پاش لێكۆڵینەوەیەكی وورد دەر كەوتووە كە ئەو كەسانەی كە بە بەردەوام كار لەسەر كۆمپیتەر دەكەن چاوەكانیان رووبەرووی مەترسی دەبنەوە پزیشكەكانی وولایەتی كالیفۆرنیا ئەوەیان خستە روو كە بەردەوامی كار لە سەر كۆمپیتەر كرد چاو لاوازدەكات بەهۆی ئەو تیشكەی كە بەر چاوی دەكەوێت بە بەر دەوام كە ئەمەش وا دەكات كە زۆر لە خەلایەكانی چاو لاواز بكات ببێتە كەم بینین بۆ یە لەدوای گەران بوون تاوكو ئەم دەرمانەیان وەك چارەسەری سەرەتایی بدۆزنەوە كە ئەم دەرمانە دلۆپاویە كە 33 ملی گرامی تێدایە رۆژانە تەنها یەك جار بەكار دەهێنرێت ئەویش بە سێ دڵۆپە خستنە ناو چاوە وە شایەنی باسە ئەم دەرمانە وەك خاوێن كەرەوە و وە راگرتنی ئەو پەردە تەنكەی سەر چاو لە هەر گرفتێك كە بەهۆی تیشكی رۆناكی بەر چاو دەكەوێت

چەند زانیارییەكی گرنگ لەبارەی گوگل كرۆمەوە

بۆ ئەوانەی كە گوگل كرۆم وەك دینەمۆی دۆزەرەوەی سایتەكان بەكار دێنن، بۆیان دەركەوتووە كە ئەم خزمەتگوزارییەی گوگل بە بەراورد بە سایتە دۆزەرەوەكانی دیكە هەم بەكارهێنانی ئاسانترە و هەم گەلێك تایبەتمەندی تێدایە كە لە سایتە دۆزەرەوەكانی دیكە دا نین. ئەوانەی كە شارەزای گوگل كرۆم نین ڕەنگە نەزانن چ تایبەتمەندییەكی گرنگی تێدایە، لێرەدا ئاماژە بە چەند خزمەتگوزارییەكی ئەم دینەمۆیە دەكەین. ئێوە گەلێك جاران حەز دەكەن هیچ شوێن پێیەكتان لەسەر ئینتەرنێت نەمێنێت، واتە هیچ كەسێك نەزانێت كە ئێوە چ سایتێكتان كردۆتەوە، یان لە چ خزمەتگوزارییەكی ئیمێل سوود وەردەگرن، یان چ گرتەیەكی ڤیدیۆیی یان پرۆگرامێكتان دابەزاندووە. بە داگرتنی دوگمەكانی Ctrl+Shift+N لاپەڕەیەكی نوێ دەكرێتەوە ئیدی لەو لاپەڕەیەدا هەر سایتێك كە بكەنەوە یان هەرچی بكەن شوێن پێتان لەسەر ئینتەرنێت بەجێ نامێنێ، واتە هیچ كەسێك نازانێت ئێوە چتان كردۆتەوە. بە داگرتنی دوگمەكانی Ctrl+J پەنجەرەی داونلۆد دەكرێتەوە، Ctrl+H پێرستی سایتەكان كە پێشتر كراونەتەوە دەكرێتەوە. Ctrl+D خەزنكردنی لاپەڕەیەك. Ctrl+f كردنەوە و داخستنی پەنجەرەی بەدواداگەڕان. Ctrl+w داخستنی تەبی كراوە، Ctrl+ + گەورەكردنی لاپەڕە، Ctrl+0 گەڕاندەوەی لاپەڕەكە وەكو پێشوو. گەلێك خزمەتگوزاری تر لە پرۆگرامی گوگل كرۆم دا هەیە كە لەكاتی پێویستدا ئاماژەیان پێدەكەین.

 

xpمۆبایلی چینی و سیستەمی ویندۆز

xpمۆبایلی چینی و سیستەمی ویندۆز یەكەمین مۆبایل كە سیستەمی ویندۆز XP لەسەرە لەلایەن كۆمپانیایەكی چینییەوە هاتە بەرهەم. ئەو هاندە كە بە Xpphone ناسراوە پێكهاتەیەكە لە كۆمپیوتەر و مۆبایل. باتری ئەو هاندەی مۆبایل تاكو 7 كاتژمێر كار دەكات و لەگەڵ ئەوەشدا میمۆرییەكی 120 گیگابایتی لەگەڵدایە، كە میمۆرییەكی بەو ئاست بەرزە لە هیچ مۆبایلێكدا نەبیندراوە. جگە لەوەش بۆ پەیوەندی گرتن مۆدێمی جۆری Wi-Fi و هەروەها جۆری Wimaxلەگەڵ دایە

ویندۆز8 لــه دایك بوو

كۆمپانیای مایكرۆسۆفت كە بەرهەمهێنەری سیستەمی ویندۆزە، سیستەمی ویندۆز7ی وەك دوایین ڤێرژنی سیستەمەكانی زۆر بە تەمەن درێژی نەهێشتەوەو هێشتا سێ ساڵ بەسەر ویندۆز7دا تێنەپەڕیوە كە ویندۆز8ی هێنایە بەرهەم. لەم ڤێرژنە ویندۆز8ـەی كە كۆمپانیا تەنیا بەمەبەستی تاقیكاری بڵاوی كردۆتەوە دەبینین چەندین گۆڕانكاری تێدا پێكهێناوە كە پێشتر لە سیستەمی 7دا نەبوون. ئەمەش بەشێك لە تایبەتمەندییەكانی ویندۆز8ـە. • گشت ئەپلیكەیشنەكانی ویندۆز7 لەم ویندۆزەدا جێبەجێ دەبن. • تاسك مەنیجەری ویندۆزەكە ئەو پرۆگرامانەی كە سوودیان لێوەرناگری هەڵدەپەسێرێ (بەمەبەستی خێرایی زیاتر كردن و ئازادكردنی ڕام). • توانایی Reset and Refresh pc گشت سیستەمەكە پاك دەكاتەوە و دەیگەڕێنێتەوە بۆ حاڵەتی پێشوو. • لە یەك كاتدا لە چەندین مۆنیتۆر سوود وەردەگرێ، هەروەها تایبەتمەندكردنی شریتی ویندۆز بۆ چەند میینتۆرێك. • پشتیوانی كردن لە توانای چەند لەمسی. • هەروەها كۆمپیوتەرەكانی كە پرۆسیسەری كۆنیشیان لەسەرە و ڕامەكەیان تەنیا 1 گیگایە لەم ویندۆزە سوود وەردەگرن. • ئەنتی ڤایرۆسی لەخودی ویندۆزەكەدا هەیە، جگە لە چەندین تایبەتمەندی دیكە

گۆرینێك بۆ كۆمپیوتەرەكە كۆنەكان

لەگەل دروست كردن و پێشكەتنی كۆمپیتەر لەرووی هارد وێرەوە ئەو ئەو كۆمپیتەرانەی كە كۆنن پارچەی یەدەگی لەناو دەچێ وە دروست ناكرێ بۆ دەبێ كۆمپیتەرەكەت فرێ بدەیت یەكێك گرفتەكانی كۆمپیتەر ئەوەیە كە كاتێك هاردەكەت تێك چوو دەبێ هاردێكی تری بۆ بكڕی بەلام هاردی كۆنە پۆرتی ide پێدەوترێ وە ئەم هاردە ئێستا دروست ناكرێ نیە وە دەبێ هاردی تازەی جۆری sata بۆی بكڕی بەڵام كۆمپیتەرەكە شوێنی ئەو پۆرتەی نیە، بۆ رزگار بونت لەم گرفتە ئەم پارچە بچووكە بەكار بهێنە كە هاردەكە دەگۆرێت لە sata ەوە بۆ ide وە بەپێچەوانەشەوە بەبەستانی ئەم پارچەیە هیچ گرفتێك بۆ كۆمپیتەرەكەت دروست نابێ